Neevitenda kreanto, Yves Desrosiers kontribuas al la efervesko de la kebekia muzika sceno de trideko da jaroj, nome kiel kanzonisto, gitaristo, komponisto, aranĝisto kaj reĝisoro. Membro de Salle Affaire de Jean Leloup (1989-1993), li kunlaboris en la komponado de pluraj titoloj de la norma albumo L’Amour est sans pitié kaj partoprenis en la albumoj kaj turneoj de pluraj artistoj, inkluzive de Bïa, Daniel Bélanger, Gogh Van Go, Sarah McLaughlin, Mononc’Serge kaj Mara Tremblay.

​

En 1993 li malkovris junan usonan-meksikan kantistinon trapasantan Montrealon, provizitan per unika voĉo: Llhasa de Sela. Ili kune organizis kanto-turneon pli kaj pli aplaŭditan, poste iom post iom integris siajn komponaĵojn, originalan mikson de mondaj saporoj. Lanĉita en 1997, ilia mita albumo La Llorona vendiĝis je duonmiliono da ekzempleroj, ricevis plurajn premiojn kaj antaŭenpuŝis la duopon en turneon tra Eŭropo kaj Ameriko dum du jaroj. Inter la turneoj Desrosiers prilaboris la originalan bendon de la filmo Le cœur au poing de Charles Binamé (Cité-Amérique) kaj la muzikon de tri dokumentaj filmoj.

​

En 1999 ekas la aventuro Volodia, unua sola projekto dediĉita al la verkaro de la rusa poeto kaj kanzonisto Vladimir Vissotsky. Post tri jaroj da esplorado kaj adaptado, la albumo estis lanĉita en aŭgusto 2002; ĝi rikoltis laŭdojn kaj kandidatiĝon en la konkurso ADISQ. Yves Desrosiers rivelas en ĝi voĉon fanditan en la grandan kantaron kaj transcendas la verkaron de Vissotsky per siaj tre personaj aranĝoj, per tiu Desrosiers “sono” kiun oni rekonas inter ĉiuj voĉoj.

​

Ankaŭ inventisto de instrumentoj, teknologiisto perfekta kaj aprezata pro sia distinta stilo, li realigis tra la jaroj albumojn kiel Terre Originel de Sylvie Paquette, S’armer de patience de Yvy, Sans Abri de Moran, Hungry Ghosts de Frederic Gary Comeau, Balagane de Jeszcze Raz, Kanasuta de Richard Desjardins, Adélaïde de la akadia artisto Pascal Lejeune.

​

Desrosiers ankaŭ forportas nin en la mallumajn kaj maltrankviligajn etosojn de la filmoj de Robin Aubert, Saints-Martyrs-des-Damnés (kandidatigo ĉe ADISQ en la kategorio Albumo Originala Sonbendo) kaj À l’origine d’un cri. Li ankaŭ produktis la muzikon de la filmo Another Silence (2011) de la franca reĝisoro el argentina deveno, Santiago Amigorena.

​

La dua sola albumo de Yves Desrosiers, Chansons indociles, aperis en 2007. Fakte temas pri lia unua albumo de originalaj kanzonoj, el kiu pluraj originas el tiu aparta artista renkontiĝo kun Robin Aubert. Tiu albumo ricevis kandidatigon kiel Aŭtoron-komponiston de la jaro ĉe Premioj pri Kanada Popola Muziko 2008.